Текст: Gianni Celeste. Suonne Sunnate.

Suonne sunnate
pe vvie sulitarie 'e Capemonte!
'Nterra assettate
quanta vase ca ce simmo date 'nfronte!
Che sentimento!
ce pienze cchiu Carme'? Te vene a mente?
Suonne sunnate
pe vvie sulitarie 'e Capemonte!

Carmela, Carme'
Io che vulesse fa
pe' te vede turna,
n'ata vota, addu me!

Fronne sfrunnate
da 'e primme viente 'e vierno 'mmiez'e vvie
E, scarpesate,
facevano rummore comm'a spie
e te tremmava
'sta mana bella che mm'accarezzava
Fronne sfrunnate
da 'e primme viente 'e vierno 'mmiez'e vvie!

Carmela, Carme
Io che vulesse fa
pe' te vede turna,
n'ata vota, addu me!

Ammore amato
pe vvie sulitarie 'e Capemonte
Nce so' turnato
ma pure 'e ppiante mm'hanno letto 'nfronte
ca mm'he traduto,
ca tutt'ammore nuosto e gia fernuto
Ammore amato
pe vvie sulitarie 'e Capemonte!

Carmela, Carme'
Io che vulesse fa
pe' te vede turna,
n'ata vota, addu me!