Текст: Surghjenti. Sott'a U Turchinu Di L'assenza. Epica Chi Casca.

TARRA DI E SUFFRENZI MUTI
A LA PACI DI ISSI VISI
A L'OMBRA DI I TO PASSIONI
INDU RINASCI A FRATIDDANZA
MA QUALI SARA ISSA FIARA
CUSI VIVA IN A TO MENTI
MA U TEMPU SI COPRI
E TU TI CIRCHI UNA PRISENZA

MARI DI DISTINI
E DI VELI STRAPPATI
A L'OMBRA DI I TO SCIUMA
SPARITI SENZA RITORNU
MA QUALI SARA ISSU BATTEDDU
A L'ALMA AVINTUROSA
ASPITTENDU U VENTU
NANT'A L'IMMENSITA......

A U TEMPU DI A BATTAGLIA
IN PEDI A L'ULTIMA FANGA
DULORI E RUMORI
D'UNA EPICA CHI CASCA
A I PUTERI SENZA PRIMURA
PA L'ANGOSCIA DI I TO ANNI
E A ISSI FIORI SBUCCIATI
A L'ALBA LIBARATA......

CELI DI I TURMENTI
E CUMORI DI SANGUI
A L'OMBRA DI U TO CANTU
D'ARMUNIA NATURALI
MA QUALI SARA U PREZZU
DI ISSU GHJOCU MALADETTU
E PO SUNIA GHJORNI NOVI
FA PIAZZA A L'ARCUBALENU......
PATRIA DI ISSI STAGHJONI
A LA FEDI DI L'ORIZONTI
A L'OMBRA DI I TO SILENZII
INDU RINASCI A SPIRANZA

MA QUALI SARA ISSU GRAN' DIU
PRUMITTENDU L'ORI PIU BEDDI
D'UN VIAGHJU CUSI LONGU
A I CUNFINA UNIVERSALI......

A U TEMPU DI QUIDDA BATTAGLIA
IN PEDI A L'ULTIMA FANGA
DULORI E RUMORI
D'UNA EPICA CHI NASCI
A I PUTERI D'OGNI PRIMURA
E L'ANGOSCIA DI I TO VERSI
E A ISSI FIORI CASCATI
PA L'ALBA LIBARATA......